Zamiežnyja avijakampanii stali čaściej lotać praź Biełaruś tranzitam
Zamiežnyja avijakampanii pačali čaściej vykarystoŭvać pavietranuju prastoru Biełarusi dla tranzitnych palotaŭ. Pra heta paviedamiŭ dyrektar Departamienta pa avijacyi Ministerstva transpartu Ihar Hołub padčas pres-kanfierencyi ŭ Nacyjanalnym pres-centry.
Fota ilustracyjnaje
Pavodle słoŭ Ihara Hołuba, kolkaść samalotaŭ, jakija pralatajuć praz terytoryju Biełarusi, značna ŭzrasła — ciapier intensiŭnaść palotaŭ pavialičyłasia amal na 27%.
Asabliva prykmietny rost pakazali jehipieckija avijakampanii — ich tranzit pavialičyŭsia ŭ 52 razy, kitajskija — u 1,7 raza, a kazachstanskija — u 1,6 raza. Čaściej stali lotać i kampanii z AAE i Rasii.
Na hetym fonie pradpryjemstva «Biełaeranavihacyja» pavialičyła abjom svaich pasłuh na 18%. Imi karystalisia 141 avijakampanija z 37 krain.
Čytajcie taksama:
«Biełavija» znoŭ pačnie lotać u Ałmaty
Łaŭroŭ nazvaŭ admienu sankcyj suprać «Biełavija» «krucielskaj historyjaj»