У пасольства Швецыі ў Мінску з'явіўся новы кіраўнік
Пасаду часовага паверанага па справах Швецыі і кіраўніка місіі шведскага пасольства ў Мінску заняў Ларс-Гунар Вігемарк, паведамляе прэс-служба пасольства.
Ларс-Гунар Вігемарк. Фота: прэс-служба пасольства Швецыі ў Беларусі
Раней Ларс-Гунар Вігемарк працаваў у дыпламатычнай службе Еўрасаюза, дзе займаў пасаду кіраўніка дэлегацыі і спецыяльнага прадстаўніка ЕС у Босніі і Герцагавіне, а таксама кіраўніка дэлегацыі ў Пакістане.
Да гэтага ён служыў у пасольстве Швецыі ў Маскве, Пастаянным прадстаўніцтве Швецыі пры Еўрапейскім Саюзе ў Бруселі, а таксама ў пасольствах у Вашынгтоне і Бялградзе.
Чытайце таксама:
Суд Бабруйскага раёна прызнаў «экстрэмісцкім» сайт Рады міністраў Паўночных краін
Прадстаўніцу Швецыі па Беларусі адпраўляюць у Маскву