Беларусы пікетавалі пасольства Германіі ў Вільні, патрабуючы пакарання для садыста Шынвізэ
3 кастрычніка беларуская дыяспара ў Вільні правяла пікет каля пасольства Германіі ў Літве. На ім беларусы патрабавалі ад нямецкай дзяржавы прыцягнуць да адказнасці аднаго з былых начальнікаў калоніі ў Бабруйску Дзмітрыя Шынвізэ. Пікет арганізавала арганізацыя «Рух».
Дзмітрый Шынвізэ. Фота: база «Пашпарт», Белпол
Дзмітрый Шынвізэ, працуючы начальнікам аператыўна-рэжымнай часці калоніі №2 Бабруйска, непасрэдна займаўся фізічным і псіхалагічным гвалтам над палітвязнямі. А пасля звальнення з працы атрымаў нямецкія дакументы па праграме рэпатрыяцыі і спакойна жыве ў дэмакратычнай Германіі.
Акрамя правядзення пікета, арганізацыя «Рух» заклікае беларусаў свету падпісаць петыцыю да нямецкіх уладаў і органаў юстыцыі аб арышце і крымінальнай адказнасці для Шынвізэ. Як гэта зрабіць — тлумачыцца тут.
Чытайце таксама:
«Шынвізэ — кончаны садыст». Адзін з адыёзных начальнікаў калоніі Бабруйска перабраўся ў Германію
«Белпол» паспрабуе зрабіць, каб у Германіі прыцягнулі да адказнасці бабруйскага садыста Шынвізэ
Жыгар пра садыста Шынвізэ: Ён прыехаў у Германію па аднаразовай візе і ўжо атрымаў грамадзянства