Biełarusy pikietavali pasolstva Hiermanii ŭ Vilni, patrabujučy pakarańnia dla sadysta Šynvize

3 kastryčnika biełaruskaja dyjaspara ŭ Vilni praviała pikiet kala pasolstva Hiermanii ŭ Litvie. Na im biełarusy patrabavali ad niamieckaj dziaržavy pryciahnuć da adkaznaści adnaho z byłych načalnikaŭ kałonii ŭ Babrujsku Dźmitryja Šynvize. Pikiet arhanizavała arhanizacyja «Ruch».

Dźmitryj Šynvize. Fota: baza «Pašpart», Biełpoł

Dźmitryj Šynvize, pracujučy načalnikam apieratyŭna-režymnaj čaści kałonii №2 Babrujska, niepasredna zajmaŭsia fizičnym i psichałahičnym hvałtam nad palitviaźniami. A paśla zvalnieńnia z pracy atrymaŭ niamieckija dakumienty pa prahramie repatryjacyi i spakojna žyvie ŭ demakratyčnaj Hiermanii.

Akramia praviadzieńnia pikieta, arhanizacyja «Ruch» zaklikaje biełarusaŭ śvietu padpisać pietycyju da niamieckich uładaŭ i orhanaŭ justycyi ab aryšcie i kryminalnaj adkaznaści dla Šynvize. Jak heta zrabić — tłumačycca tut.

Kamientary da artykuła