У Беларусь збіраецца прыйсці найбуйнейшы кітайскі вытворца электратэхнічнага абсталявання
Найбуйнейшы кітайскі вытворца электратэхнічнага абсталявання ТВЕА плануе інвеставаць у Беларусь і прывезці свае тэхналогіі. Пра гэта стала вядома падчас візіту міністра замежных спраў Беларусі Максіма Рыжанкова на прадпрыемства і выставу кампаніі ў Цяньцзіні, піша БелТА.
Па выніках сустрэчы было падпісана пагадненне аб стратэгічным супрацоўніцтве паміж «Белэнерга» і ТВЕА.
Дакумент з беларускага боку падпісаў генеральны дырэктар аб’яднання Андрэй Панчанка. Ён падкрэсліў, што ў найбліжэйшае дзесяцігоддзе Беларусь чакае маштабная мадэрнізацыя энергасістэмы, а вопыт кітайскіх партнёраў дапаможа ў гэтым працэсе.
Цяпер разглядаецца магчымасць адкрыцця ў Беларусі вытворчасці сучаснага электратэхнічнага абсталявання, аднак месца для яго пакуль не вызначана.
ТВЕА з’яўляецца найбуйнейшым у Кітаі вытворцам тэхнікі для перадачы, размеркавання і трансфармацыі электраэнергіі.
Чытайце таксама:
У Кітаі адкрываецца самы высокі мост у свеце ФОТЫ
«Стагоддзе прыніжэння» Еўропы можа толькі пачынацца — Politico
Як Кітай зрабіў рывок у зялёнай эканоміцы, пакінуўшы Еўропу далёка ззаду