«Гэта выпадкова не Ібіца?» Лагер «Зубраня» паказаў, як у ім праходзяць дзіцячыя дыскатэкі
Нацыянальны дзіцячы цэнтр «Зубраня» падзяліўся ў сацсетках відэа з летніх дыскатэк, якія ўразілі беларусаў. У роліках — выхаванцы мінскай DJ-школы: дзеці і падлеткі за пультам працуюць з прафесійнай апаратурай, а іх равеснікі танцуюць пад адкрытым небам, заўважыла выданне Telegraf.news.
Скрыншоты з відэа
За некалькі дзён відэа сабралі дзясяткі тысяч праглядаў і сотні каментарыяў. Дарослыя карыстальнікі ўспаміналі свае школьныя дыскатэкі і жартам прасіліся ў «Зубраня» на такія вечарыны. Некаторыя прапаноўвалі стварыць падобны лагер для людзей 30+.
Атмасферу дзіцячых рэйваў нават параўналі з буйнымі фестывалямі, накшталт Viva Braslav, а адзін з каментатараў жартам спытаў: «Гэта выпадкова не Ібіца?»
«Зубраня» лічыцца галоўным дзіцячым адукацыйна-аздараўленчым цэнтрам Беларусі і знаходзіцца на беразе возера Нарач.
Чытайце таксама:
У Барысаве паспрабавалі адрадзіць дыскатэкі для моладзі. Але не па кані корм
У Барысаве прапанавалі правесці дыскатэку ў навушніках. Ці гатовыя гараджане танцаваць у цішыні?
Лукашэнка дазволіў ахоўнікам надглядаць наведвальнікаў начных клубаў