«Heta vypadkova nie Ibica?» Łahier «Zubrania» pakazaŭ, jak u im prachodziać dziciačyja dyskateki
Nacyjanalny dziciačy centr «Zubrania» padzialiŭsia ŭ sacsietkach videa ź letnich dyskatek, jakija ŭrazili biełarusaŭ. U rolikach — vychavancy minskaj DJ-škoły: dzieci i padletki za pultam pracujuć z prafiesijnaj aparaturaj, a ich ravieśniki tancujuć pad adkrytym niebam, zaŭvažyła vydańnie Telegraf.news.
Skrynšoty ź videa
Za niekalki dzion videa sabrali dziasiatki tysiač prahladaŭ i sotni kamientaryjaŭ. Darosłyja karystalniki ŭspaminali svaje školnyja dyskateki i žartam prasilisia ŭ «Zubrania» na takija viečaryny. Niekatoryja prapanoŭvali stvaryć padobny łahier dla ludziej 30+.
Atmaśfieru dziciačych rejvaŭ navat paraŭnali z bujnymi fiestyvalami, nakštałt Viva Braslav, a adzin z kamientataraŭ žartam spytaŭ: «Heta vypadkova nie Ibica?»
«Zubrania» ličycca hałoŭnym dziciačym adukacyjna-azdaraŭlenčym centram Biełarusi i znachodzicca na bierazie voziera Narač.
Čytajcie taksama:
U Barysavie pasprabavali adradzić dyskateki dla moładzi. Ale nie pa kani korm
U Barysavie prapanavali pravieści dyskateku ŭ navušnikach. Ci hatovyja haradžanie tancavać u cišyni?
Łukašenka dazvoliŭ achoŭnikam nadhladać naviedvalnikaŭ načnych kłubaŭ