З разліковых рахункаў беларусаў будзе цяжэй спісаць грошы без згоды ўладальніка

22 жніўня Аляксандр Лукашэнка падпісаў указ № 313, які ўносіць змены ў Указ аб бягучым (разліковым) банкаўскім рахунку фізічнай асобы з базавымі ўмовамі абслугоўвання.

Фота ілюстрацыйнае

Заяўляецца, што змены накіраваныя на тое, каб стварыць эфектыўныя ўмовы для выканання заканадаўства аб абмежаванні памеру спагнання грошай з даходаў грамадзян у рамках выканаўчай вытворчасці.

Цяпер з базавых рахункаў не будуць спаганяць сродкі ў бясспрэчным парадку, за выключэннем выпадкаў, калі спісанне праводзяць:

• органы прымусовага выканання;
• органы Фонду сацыяльнай абароны насельніцтва Міністэрства працы і сацыяльнай абароны;
• органы, якія займаюцца пенсійным забеспячэннем.

У той жа час спісанне сродкаў у бясспрэчным парадку з іншых рахункаў грамадзян, напрыклад, электронных кашалькоў, будзе праводзіцца без зменаў.

Каментары да артыкула