Вадзім Скрыпчанка больш не галоўны трэнер мінскага «Дынама»
Заўтра Скрыпчанка пакіне Венгрыю, дзе каманда праводзіць еўракубкавыя матчы, паведамляе Football.by.
Вадзім Скрыпчанка
Нагадаем, што напярэдадні «Дынама» пакінула кваліфікацыю Лігі чэмпіёнаў, выбыўшы ўжо ў яе першым раўндзе. Першы матч быў прайграны балгарскаму «Лудагорцу» з лікам 0:1, а ў другім мінчукі дамагліся толькі нічыёй 2:2.
Тым не менш, «Дынама» працягне выступ у другім раўндзе кваліфікацыі Лігі канферэнцый. Супернікам будзе албанская «Эгнація», што ў аўторак у Ісландыі разгромна прайграла ісландскаму «Брэйдабліку» 0:5. Паядынкі пройдуць 24 і 31 ліпеня, але ўзначальваць «Дынама» будзе ўжо іншы трэнер.
Месяц таму Вадзім Скрыпчанка ўжо заяўляў пра свой намер пайсці ў адстаўку, але кіраўніцтва клуба тады яе не прыняло.
Вадзім Скрыпчанка ўзначаліў мінскае «Дынама» ў лістападзе 2022 года. Пад кіраўніцтвам гэтага трэнера каманда двойчы стала пераможцам чэмпіянату Беларусі і прабілася ў групавы раўнд Лігі канферэнцый.
Раней у Беларусі спецыяліст працаваў у «Мінску» і жодзінскім «Тарпеда-БелАЗе», а за мяжой узначальваў «Арарат-Арменію», расійскія «Анжы», «Крылы Саветаў» і «Кубань».
Чытайце таксама:
Мінскае «Дынама» вылецела з кваліфікацыі Лігі чэмпіёнаў у першым раўндзе