У Беларусі змяніўся парадак выдзялення арэнднага жылля

У Беларусі змяняецца парадак выдзялення арэнднага жылля. Урад удакладніў правілы, якія дзейнічалі яшчэ з 2014 года, гаворыцца ў новай пастанове Савета Міністраў, якая з'явілася на Нацыянальным прававым партале.

Фота ілюстрацыйнае

Галоўная змены тычацца таго, хто прымае рашэнне аб выдзяленні арэнднага жылля. Раней гэта маглі рабіць і сельскія, і пасялковыя выканкамы, а цяпер паўнамоцтвы перадалі на больш высокі ўзровень.

У Мінску ж, як удакладняецца ў пастанове, размеркаваннем зоймуцца раённыя і гарадскія выканкамы, а таксама адміністрацыі раёнаў сталіцы.

Змянілася чарговасць атрымання жылля. Цяпер у прыярытэце — грамадзяне найбольш запатрабаваных пасад і прафесій пры ўмове, што ў іх і членаў іх сем'яў няма жылля ў населеным пункце (выключэнне — пакой у інтэрнаце, дзе чалавек жыве па дамове найму).

Перавагу аддадуць найбольш значнаму спецыялісту. А калі на адно арэнднае памяшканне прэтэндуюць два чалавекі, першай будуць разглядаць тую заяву, якую падалі раней.

Каментары да артыкула