Прарасійскі румынскі палітык Джарджэску прывітаў сваіх прыхільнікаў скандальным жэстам ВІДЭА

Кэлін Джарджэску, пераможца першага туру на выбарах прэзідэнта Румыніі 24 лістапада 2024 года, вынікі якога былі адмененыя, выйшаўшы ўчора са шматгадзіннага допыту ў пракуратуры, прывітаў сваіх прыхільнікаў жэстам, падобным да нацысцкага прывітання.

Скрыншот з відэа

На відэа, якое публікуюць у сацсетках, відаць, што Джарджэску спачатку паднёс руку да грудзей, а затым рэзка падняў яе і выпрастаў.

Mere seconds after leaving the prosecutor's office, much like the Elon Musk that is so supportive of him, Calin Georgescu just could not help himself but throw in a nazi salute. pic.twitter.com/K2PVntE2l2

— Daractenus (@Daractenus) February 27, 2025

Сярод абвінавачванняў, якія выстаўляюцца 62-гадоваму Кэліну Джорджэску, фігуруе і «ініцыяванне або стварэнне арганізацыі фашысцкага, расісцкага або ксенафобскага характару».

Кэлін Джарджэску перамог у першым туры прэзідэнцкіх выбараў, набраўшы 22.94% галасоў. Пасля таго ён павінен быў пазмагацца за прэзідэнцкі пост у другім туры. Аднак Канстытуцыйны суд скасаваў вынікі першага тура з-за замежнага ўмяшання ў выбарчы працэс. Паводле даных спецслужбаў, за Джарджэску ў тік-току агітавалі дзясяткі тысяч ботаў, якіх звязваюць з Крамлём.

26 лютага палітыка затрымалі. Спачатку ягоную машыну спыніла паліцыя, пасля чаго Джарджэску даставілі на допыт у Генпракуратуру. Ператрусы правялі і ў ягоных паплечнікаў.

Пасля допыту Кэліна Джарджэску выпусцілі на волю. Цяпер ён будзе знаходзіцца 60 дзён пад судовым кантролем і не мае права выязджаць з краіны. Яго падазраюць адразу ў некалькіх злачынствах, самае сур'ёзнае абвінавачванне — падбухторванне да дзеянняў супраць канстытуцыйнага ладу. Па сукупнасці за ўсё яму можа пагражаць да 25 гадоў турмы.

Каментары да артыкула