У Азоўскім моры загарэўся расійскі вайсковы катар
Галоўнае ўпраўленне разведкі Украіны паведаміла, што ў Азоўскім моры гарэў катар берагавой аховы памежнай службы ФСБ Расіі, піша «Украінская праўда».
Разведка апублікавала аўдыёзапіс-радыёперахоп ад 29 лютага, на якім размаўляюць расійскія вайскоўцы пасля ўзгарання катара.
З карабля дакладваюць, што агонь ахапіў хадавую рубку расійскага судна і неабходная аварыйная група, пажарныя помпы ды верталёт. Пасля з карабля паведамілі, што »колькасць пацярпелых павялічылася да пяці».
У паведамленні ГУР не пазначаецца тып пацярпелага карабля, але паведамляецца, што «характар страт праціўніка ўдакладняецца».
Чытайце таксама:
ГУР МА Украіны апублікавала відэа атакі на вялікі дэсантны карабель «Цэзар Кунікаў»