U Azoŭskim mory zahareŭsia rasijski vajskovy katar
Hałoŭnaje ŭpraŭleńnie raźviedki Ukrainy paviedamiła, što ŭ Azoŭskim mory hareŭ katar bierahavoj achovy pamiežnaj słužby FSB Rasii, piša «Ukrainskaja praŭda».
Raźviedka apublikavała aŭdyjozapis-radyjopierachop ad 29 lutaha, na jakim razmaŭlajuć rasijskija vajskoŭcy paśla ŭzharańnia katara.
Z karabla dakładvajuć, što ahoń achapiŭ chadavuju rubku rasijskaha sudna i nieabchodnaja avaryjnaja hrupa, pažarnyja pompy dy viertalot. Paśla z karabla paviedamili, što »kolkaść paciarpiełych pavialičyłasia da piaci».
U paviedamleńni HUR nie paznačajecca typ paciarpiełaha karabla, ale paviedamlajecca, što «charaktar strat praciŭnika ŭdakładniajecca».
Čytajcie taksama:
HUR MA Ukrainy apublikavała videa ataki na vialiki desantny karabiel «Cezar Kunikaŭ»