Парламент Ісландыі прагаласаваў за падачу заяўкі на ўступленне краіны ў Еўрапейскі Саюз.
За пачатак перамоваў аб уступленні ў садружнасць еўрапейскі краін прагаласавалі 33 удзельнікі парламента, 28 выказаліся супраць і двое ўстрымаліся.
Дэбаты па пытанні аб далучэнні да ЕС працягваліся ў ісландскім парламенце на працягу пяці дзён. Цяпер заяўка на ўступленне ў ЕС павінная быць ухваленая прадстаўнікамі 27 краін, што ўваходзяць у звяз. У гэтым выпадку пытанне аб далучэнні Ісландыі да Еўразвяза будзе вынесенае на рэферэндум.
Як паведамляе BBC, насельніцтва Ісландыі скептычна разважае адносна ідэі ўваходжання ў Еўразвяз, шматлікія ісландцы лічаць, што гэта пашкодзіць рыбалоўнай здабычы. Адным з тых, хто прагаласаваў супраць уступлення, быў міністр сельскай гаспадаркі і рыбалоўства Ісландыі Ён Б’ярнасон.
Апошнімі краінамі, якія далучыліся да Еўразвяза, сталі Румынія і Балгарыя, яны ўвайшлі ў ЕС 1 студзеня 2007 года. На дадзены момант на ўступленне у звяз прэтэндуюць Македонія, Албанія, Харватыя, Турцыя і іншыя краіны.
Цяпер чытаюць
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма16
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу2020
Каментары