Начальнік Генштаба РФ Валерый Герасімаў узнагароджаны найвышэйшай вайсковай узнагародай — ордэнам Святога Георгія. Гэта за аперацыю ў Сірыі, тлумачаць ваенныя.
Афіцыйна аб узнагароджанні не паведамляецца, але генерал ужо носіць гэты ордэн, паведамляе РБК.
«9 лістапада начальнік Генеральнага штаба Узброеных сіл, першы намеснік міністра абароны Валерый Герасімаў з'явіўся на публіцы ў мундзіры з планкай ордэна Святога Георгія… На фотаздымку агенцтва ТАСС Герасімаў паказаны разам з міністрам абароны Сяргеем Шайгу. На грудзях Герасімава відаць планку з ордэнам Святога Георгія», — гаворыцца ў паведамленні.
Адзначаецца, што ў наступны раз, калі кіраўнік Генштаба РФ трапіў у аб'ектывы фотакарэспандэнтаў, на ордэнскай планцы Герасімава быў зноў ордэн Святога Георгія.
Паводле дадзеных агенцтва, на кастрычніцкіх здымках Герасімава ордэна яшчэ няма.
У той жа час, згодна з паведамленнем, на сайце Крамля аб узнагароджанні не паведамляецца. Прэс-сакратар прэзідэнта РФ Дзмітрый Пяскоў сказаў, што не валодае інфармацыяй аб узнагароджанні. У прэс-службе Мінабароны РФ ад каментароў адмовіліся.
Суразмоўца агенцтва ў ваенным ведамстве пацвердзіў ўзнагароджанне Герасімава. Паводле яго слоў, кіраўнік Генштаба РФ быў ганараваны ўзнагародай за правядзенне паспяховай аперацыі ў Сірыі. Іншая крыніца ў Мінабароны РФ на пытанне аб тым, ці ёсць у Герасімава такая ўзнагарода, рэкамендаваў уважліва паглядзець на відэа з Нацыянальнага цэнтра ўпраўлення абаронай 17 лістапада.
Так, кіраўнік Геральдычнага савета пры прэзідэнце РФ Георгій Вілінбахаў распавёў, што ордэн Святога Георгія фактычна з'яўляецца найвышэйшай ваеннай узнагародай.
«У дзеючым статуце ордэна адзначаецца, што Святым Георгіем «узнагароджваюцца ваеннаслужачыя з ліку вышэйшага і старэйшага афіцэрскага складу за правядзенне баявых аперацый па абароне Айчыны пры нападзе вонкавага суперніка, якія завяршыліся поўным разгромам ворага, а таксама за правядзенне баявых і іншых аперацый на тэрыторыі іншых дзяржаў пры падтрыманні або аднаўленні міжнароднага міру і бяспекі…», — удакладнілі ў паведамленні.
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма16
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу2020
Каментары