Biudžetnikam u 2027 hodzie padymuć zarobki
U Biełarusi ŭ 2027 hodzie płanujuć pavysić zarobki rabotnikam biudžetnaj śfiery. Heta praduhledžana prajektam respublikanskaha biudžetu na nastupny hod, paviedamiŭ staršynia pastajannaj kamisii Pałaty pradstaŭnikoŭ pa biudžecie i finansach Vasil Panasiuk.
Zdymak ilustracyjny. Fota: «Naša Niva»
Pavodle słoŭ Vasila Panasiuka, finansavańnie sacyjalnaj śfiery płanujuć pavialičyć na 11—12%. Asablivuju ŭvahu źbirajucca nadać pavyšeńniu zarobkaŭ nizkaapłatnym katehoryjam rabotnikaŭ, u tym liku małodšamu miedycynskamu piersanału i supracoŭnikam daškolnych ustanoŭ.
U prajekcie taksama praduhledžanyja srodki na padtrymku ekanomiki. Najpierš ich płanujuć nakiravać na pavyšeńnie kankurentazdolnaści ajčynnaj pradukcyi i padtrymku ekspartu.
Dachody respublikanskaha biudžetu ŭ 2027 hodzie čakajucca na ŭzroŭni 58,9 miljarda rubloŭ, a vydatki — 60,8 miljarda. Takim čynam, zapłanavany deficyt składzie kala 1,9 miljarda rubloŭ i, pavodle raźlikaŭ, budzie mienšy, čym u 2026 hodzie.
Čytajcie taksama:
«Pad maju adkaznaść». Biełaruski dalnabojščyk čatyry miesiacy nielehalna jeździŭ pa Jeŭropie
Lehiendarny hrodzienski futbalist trapiŭ pad kryminałku
Milenijały mohuć stać samym bahatym pakaleńniem u historyi
Biznesmien Varabiej zapeŭniŭ, što Łukašenka pieradaje jamu ziamlu nie zadarma