U Minsku pačnuć budavać novy most u Šabanach
U Minsku ŭ 2027 hodzie płanujuć pačać budaŭnictva novaha puciepravoda ŭ Šabanach. Jon złučyć vulicu Śvisłackuju z vulicaj Sialickaha i dapamoža źmienšyć nahruzku na Partyzanski praśpiekt, piša Blizko.by.
Mahčymaje miesca, dzie prakładuć novy puciepravod. Fota: Blizko.by
Prajektnuju dakumientacyju dla budaŭnictva jašče raspracoŭvajuć. Pa słovach dyrektara pradpryjemstva «Minskinžprajekt» Alaksieja Havorki, novy puciepravod projdzie nad čyhunkaj, a raboty płanujuć vykanać u maksimalna ścisłyja terminy.
Dakładnaje miesca budaŭnictva pakul nie nazyvajecca. Miarkujecca, što puciepravod moža źjavicca ŭ kancy vulicy Śvisłackaj, za MKAD, niepadalok ad ačyščalnych zbudavańniaŭ u Šabanach i na poŭdzień ad hruzavoj čyhunačnaj stancyi Šabany.
Čytajcie taksama:
Novyja mahistrali i most cieraz Drazdy. Jakoj budzie darožnaja sietka na poŭnačy Minska
U Minsku pabudujuć novyja puciepravody i razhruziać Partyzanski praśpiekt