Malijka sprabavała vyjechać ź Biełarusi ŭ Polšču pa pašparcie stryječnaj siastry
Uviečary 8 kastryčnika praz punkt propusku «Brest» prachodziła dziaŭčyna, jakaja padała pamiežniku dla pravierki pašpart Respubliki Mali. Dakumient vyklikaŭ padazreńnie ŭ supracoŭnika pamiežnaj słužby. Pravierka pakazała, što pašpart naležyć nie toj žančynie, jakaja jaho padała.
Skrynšot ź videa
Parušalnicaj akazałasia hramadzianka Mali. Pavodle jaje słoŭ, jana nie mahła trapić u Jeŭrasajuz pa ŭłasnym pašparcie praz adsutnaść vizy. Tamu dziaŭčyna pazyčyła dakumient u stryječnaj siastry i pasprabavała vyjechać u Polšču, kab adtul praciahnuć šlach u Francyju.
Ciapier malijka zatrymanaja. Raspačaty administracyjny praces za sprobu niezakonnaha pierasiačeńnia dziaržaŭnaj miažy. Akramia značnaha štrafu — da 100 bazavych vieličyniaŭ, — žančynie pahražaje i kryminalnaja adkaznaść za vykarystańnie zaviedama padroblenaha dakumienta.
Čytajcie taksama:
Śniažynka z cyharetami prypłyła pa Vilii ŭ Vilniu
Z Polščy departavali dzieviać biełarusaŭ, jakija pracavali na padpolnaj vytvorčaści cyharet
«Vaŭkoŭ bajacca — u les nie chadzić». Jak uładkavany biznes biełaruskaha pierakupščyka ŭ Polščy