U Hrodnie mužčyna vykinuŭ ź dziaviataha paviercha jorkšyrskaha terjera, jaki baraniŭ haspadyniu
Zdareńnie adbyłosia ŭ noč na 7 kastryčnika ŭ žyłym rajonie Alšanka, paviedamlaje UUS Hrodzienskaha abłvykankama.
Zdymak ilustracyjny. Fota: Wikimedia Commons
Napiaredadni da 41‑hadovaj žančyny pryjšła ŭ hości siabroŭka, a paźniej da ich dałučyŭsia muž hości, jakomu 45 hadoŭ. Usie razam vypivali, paśla čaho mužčyna pačaŭ pavodzić siabie ahresiŭna i ŭžyŭ fizičnuju siłu suprać žančyn. Spałochanyja hrodzienki ŭciakli da susiedziaŭ i vyklikali milicyju.
U kvatery sam-nasam z ahresaram zastaŭsia adnahadovy jorkšyrski terjer. Padčas svarki sabaka sprabavaŭ abaranić haspadyniu. Mužčyna ŭziaŭ jaho na ruki i vykinuŭ ź dziaviataha paviercha. Žyviolina zahinuła.
Milicyjaniery zatrymali mužčynu i źmiaścili jaho ŭ izalatar časovaha ŭtrymańnia. Jaho buduć sudzić za žorstkaje abychodžańnie z žyviołaj.
Čytajcie taksama:
Źbirajucca pavysić padatak na sabak
Vosieńska-zimovy dohlad hadavancaŭ: jak padrychtavać poŭść katoŭ i sabak da chaładoŭ