Samaj maładoj fihurantcy rasijskaha śpisu ekstremistaŭ i terarystaŭ — 14 hadoŭ
Samaj maładoj fihurantkaj rasijskaha śpisu terarystaŭ i ekstremistaŭ stała 14‑hadovaja Safija M. z Samary, 2012 hoda naradžeńnia. Jak paviedamlaje telehram-kanał Mash, u rejestr jaje ŭklučyli praz zabaronienuju litaraturu, jakuju školnica nibyta zachoŭvała doma i čytała.
7 kastryčnika rasijskaja Fiederalnaja słužba pa finansavym manitorynhu abnaviła svoj rejestr terarystaŭ i ekstremistaŭ, uklučyŭšy ŭ jaho, siarod inšych, Safiju M. Pavodle Mash, dziaŭčyna taksama znachodziłasia ŭ «ekstremisckich» čatach, dzie na jaje akazvali ŭpłyŭ.
Pra jaje zachapleńni zabaronienaj litaraturaj i ŭdzieł u takich čatach stała viadoma paśla zatrymańnia školnicy. Jana nibyta napała na svajho adnakłaśnika z nažom. Paśla hetaha dziaŭčynku zatrymali na 30 sutak i nakiravali na prymusovaje lačeńnie.
Čytajcie taksama:
U Rasii jašče bolš sprościać nabor u vojska źniavolenych z turmaŭ
«Rasija 1» nazvała «spravaj honaru» zabojstva repiera Kyivstoner