U Francyi z muzieja skrali 150‑kiłahramovuju vokładku raboty Salvadora Dali
U noč na 5 kastryčnika z Centra sučasnaha mastactva ŭ francuzskim horadzie Isuar skrali ŭnikalnuju «Knihu Apakalipsisa», košt jakoj aceńvajecca ŭ niekalki miljonaŭ jeŭra, paviedamlaje BFMTV.
Spačatku paviedamlałasia, što z muzieja całkam źnik ekspanat vahoj 210 kiłahramaŭ. Adnak prakuratura ŭ svaim paviedamleńni zhadała tolki bronzavuju vokładku pracy Salvadora Dali vahoj 150 kiłahramaŭ. Ci była skradzienaja i astatniaja častka knihi, pakul nieviadoma.
Mer Isuara nazvaŭ škodu ad kradziažu takoj, jakuju niemahčyma acanić. Abstaviny złačynstva pakul nie raskryvajucca, prakuratura pačała rasśledavańnie.
«Kniha Apakalipsisa» była stvoranaja ŭ 1958—1961 hadach pa inicyjatyvie francuzskaha vydaŭca Žazefa Fare. Dla pracy nad joj jon zaprasiŭ 14 viadomych mastakoŭ i piśmieńnikaŭ, siarod jakich byli Žan Kakto i Salvador Dali. Dali stvaryŭ dla knihi bronzavuju vokładku, upryhožanuju zołatam i marskimi rakuškami.
U pačatku 1960‑ch hadoŭ knihu aceńvali ŭ dva miljony francuzskich frankaŭ, što adpaviadaje prykładna 305 tysiačam ciapierašnich jeŭra. U 2003 hodzie hety asobnik nabyŭ francuzski kalekcyjanier Kryścijan Karutzos.
Heta ŭžo nie pieršy hučny kradziež z francuzskaha muzieja za apošni čas. U kastryčniku 2025 hoda z Łuŭra złačyncy vynieśli kaštoŭnaści francuzskaj karony na sumu 88 miljonaŭ jeŭra. U vieraśni 2026 hoda z muzieja Renuara ŭ Kań-siur-Mery na Błakitnym Bierazie skrali čatyry karciny mastaka. Dźvie ź ich złačyncy kinuli padčas uciokaŭ.
Čytajcie taksama:
Francyju nakryła cełaja epidemija rabavańniaŭ muziejaŭ
Nieacennyja kaštoŭnaści skradzienyja za 7 chvilin. Novyja padrabiaznaści abrabavańnia Łuŭra
Škodu ad skradzienych z Łuŭra kaštoŭnaściaŭ acanili ŭ 88 miljonaŭ jeŭra
Ź viły Renuara ŭ Francyi skrali karcin na 9 miljonaŭ jeŭra. Chto arhanizuje hetyja rabavańni i jak
Rabaŭniki siarod biełaha dnia vykrali z muzieja ŭ Vienie kalje z 600 dyjamientami