Ilcham Alijeŭ zajaviŭ, što ŭ śviecie jość tolki dźvie zvyšdziaržavy. Rasii siarod ich niama

Prezident Azierbajdžana Ilcham Alijeŭ zajaviŭ, što ŭ sučasnym śviecie isnujuć tolki dźvie zvyšdziaržavy — ZŠA i Kitaj. Pra heta jon skazaŭ na VIII źjeździe kiroŭnaj partyi «Novy Azierbajdžan».

Prezident Azierbajdžana Ilcham Alijeŭ. Fota: azertag.az

Pavodle Alijeva, Vašynhton i Piekin źjaŭlajucca adzinymi krainami, jakija možna nazyvać suśvietnymi zvyšdziaržavami.

«Heta dźvie suśvietnyja zvyšdziaržavy, treciaj niama», — zajaviŭ jon.

Pry hetym Alijeŭ padkreśliŭ, što Azierbajdžan padtrymlivaje stratehičnyja adnosiny i z ZŠA, i z Kitajem. Ź Piekinam Baku padpisaŭ usioachopnuju dekłaracyju ab stratehičnym partniorstvie, a z Vašynhtonam — Stratehičnuju chartyju.

Azierbajdžanski prezident adznačyŭ, što pamiž Kitajem i ZŠA isnuje kankurencyja, adnak damoŭlenaści pamiž dźviuma dziaržavami i vypracoŭka ahulnych pravił na asnovie ŭzajemarazumieńnia majuć važnaje značeńnie dla ŭsiaho śvietu.

Akramia taho, Alijeŭ zajaviŭ, što Azierbajdžan maje stratehičnaje partniorstva z šeraham dziaržaŭ Jeŭrapiejskaha sajuza. Pavodle jaho słoŭ, taki farmat supracoŭnictva dziejničaje ź dziesiaćciu krainami ES.

Raniej, u mai, padobnuju pazicyju vykazvaŭ i prezident ZŠA Donald Tramp. Jon taksama nazyvaŭ zvyšdziaržavami tolki ZŠA i Kitaj, zajaŭlajučy, što Vašynhton zajmaje pieršaje miesca ŭ śviecie pavodle vajskovaj mocy, a Piekin — druhoje.

Kamientary da artykuła