U Miunchienie biełarus u načnym kłubie łapaŭ 17‑hadovuju ŭkrainku i pabiŭsia ź jaje bratam
Palicyja ŭziała ŭ jaho kroŭ na analiz i adpuściła paśla vypłaty hrašovaha zakładu.
Fota ilustracyjnaje
Unačy ŭ subotu, 12 vieraśnia, kala 4:00 u tancavalnym kłubie na Zonenštrase ŭ centry Miunchiena 30‑hadovy biełarus pačaŭ tancavać pobač z 17‑hadovaj hramadziankaj Ukrainy, jakaja žyvie ŭ Miunchienie. Potym, jak paviedamlaje palicyja Miunchiena, jon pravioŭ rukami pa jaje jahadzicach i dalej da hrudziej. Dziaŭčyna hetaha nie chacieła.
Heta ŭbačyŭ jaje 20‑hadovy brat, taksama hramadzianin Ukrainy, jaki žyvie ŭ Miunchienskaj akruzie. Jon adciahnuŭ biełarusa ad siastry. Pamiž mužčynami pačałasia bojka, u jakoj abodva atrymali traŭmy. Piersanał kłuba razahnaŭ ich i vystaviŭ abodvuch na vulicu.
Biełarusa, u jakoha, pavodle palicyi, niama pastajannaha miesca žycharstva ŭ Hiermanii, dastavili ŭ palicejski ŭčastak. Suprać jaho raspačali spravu, u tym liku za seksualnyja damahańni i naniasieńnie cialesnych paškodžańniaŭ. U jaho ŭziali kroŭ na analiz. Paśla vypłaty hrašovaha zakładu mužčynu adpuścili.
Na 20‑hadovaha ŭkrainca taksama skłali zajavu za naniasieńnie cialesnych paškodžańniaŭ, i jaho taksama adpuścili.
Čytajcie taksama:
Lehkavik urezaŭsia ŭ hruzavik biełaruski ŭ Hiermanii
Niamieckija ŚMI nazvali imia biełarusa, jakoha padazrajuć u padrychtoŭcy terakta ŭ Lejpcyhu