Raźvivać tramvajny ruch u Minsku nie płanujuć

Raźvićcia tramvajnaj sietki ŭ Minsku ŭ najbližejšy čas čakać nie varta. Pra heta zajaviŭ hienieralny dyrektar «Minsktransa» Kanstancin Hałałobaŭ u efiry «Radyjo Minsk».

Zdymak ilustracyjny. Fota: «Naša Niva»

Pavodle jaho słoŭ, stalica robić asnoŭnuju staŭku na raźvićcio mietrapalitena, jaki jon nazvaŭ najbolš kamfortnym, chutkim i zručnym dla pasažyraŭ. Tamu pryjarytet budzie addavacca mienavita mietro. Pry hetym zusim admaŭlacca ad tramvajnaha transpartu ŭłady nie źbirajucca.

Hałałobaŭ adznačyŭ, što ŭ Minsku jość rajony, jakija absłuhoŭvajucca vyklučna tramvajami, u pryvatnaści vulica Jakuba Kołasa i Łahojski trakt. Na jaho dumku, pasažyry ceniać tramvaj za chutkaść, asabliva na chutkasnych maršrutach. Tamu zachavańnie tramvajnaj sietki ŭ jaje ciapierašnim vyhladzie budzie nieabchodnym dla zabieśpiačeńnia pieravozak.

U płanach haradskich uładaŭ — abnaŭleńnie tramvajnaha ruchomaha składu i ramont najaŭnaj infrastruktury. Heta pavinna zrabić tramvai bolš cichimi, płaŭnymi i chutkimi.

Kamientary da artykuła