Rychtujucca zapuścić turystyčny maršrut «Darohaj Sajuznaj dziaržavy»
Turysty nieŭzabavie zmohuć padarožničać z Maskvy ŭ Minsk pa novym piłotnym aŭtamabilnym turystyčnym maršrucie «Pamiž dźviuma stalicami: darohaj Sajuznaj dziaržavy». Maršrut projdzie pa trasie M-1 praz Maskoŭskuju i Smalenskuju vobłaści, a taksama praź biełaruskija Oršu i Barysaŭ.
Smalensk. Fota: Wikimedia Commons
Pra stvareńnie maršrutu paviedamiła Ministerstva ekanamičnaha raźvićcia Rasii pa vynikach pasiadžeńnia pracoŭnaj hrupy pa turyźmie «Sajuznaj dziaržavy». Biełaruski bok na praciahu dvuch miesiacaŭ pavinien padrychtavać pašpart maršrutu. U im buduć paznačanyja turystyčnyja abjekty, miescy dla pražyvańnia i charčavańnia.
Dla prasoŭvańnia sumiesnych turystyčnych pajezdak u Smalensku taksama stvarajuć Turyscki infarmacyjny centr «Sajuznaj dziaržavy». Padarožniki zmohuć atrymać tam aktualnuju infarmacyju pra maršruty, miescy prypynkaŭ i dastupny servis.
Čytajcie taksama:
Maldyvy i Biełaruś padpisali pahadnieńnie ab uzajemnaj admienie viz
Viza ŭ Jehipiet dla biełarusaŭ znoŭ padaražeje
«U siezon možna zarablać na rybie bolš za 10 000 na miesiac». Biełaruska pra žyćcio na Kamčatcy