U Minsku źjavicca 15 novych tralejbusnych maršrutaŭ
U adpaviednaści z kancepcyjaj elektryfikacyi transpartu na 2025—2030 hady ŭ stalicy płanujuć abnavić 164 adzinki transpartu i pieravieści kala 15 aŭtobusnych maršrutaŭ na tralejbusnaje absłuhoŭvańnie, paviedamiŭ dyrektar pradpryjemstva «Staličny transpart i suviaź» Juryj Supranovič.
Zdymak ilustracyjny. Fota z sacsietak Dzianisa Blišča
U budnyja dni na minskija linii ciapier štodnia vychodzić kala 1500 transpartnych srodkaŭ i prykładna 300 maršrutnych ekspresaŭ. Usiaho ŭ horadzie naličvajecca 296 maršrutaŭ, jakija patrabujuć pastajannaha karektavańnia i aptymizacyi.
Namieśnik hienieralnaha dyrektara «Minsktransa» pa arhanizacyi pieravozak Raman Pranovič adznačyŭ, što kala pałovy transpartnych srodkaŭ Minska źjaŭlajucca ekałahična čystymi i pracujuć na elektryčnaj ciazie.
U hety park uvachodziać bolš za 700 tralejbusaŭ, ź jakich 60% užo majuć pavialičany aŭtanomny chod, 131 tramvaj i 147 elektrobusaŭ.
Čytajcie taksama:
U Minsku źjavicca bolš darožnych pałos, dastupnych tolki hramadskamu transpartu i elektrakaram
U Babrujsku pastavili pomnik tralejbusu
U Minsku karektujuć sietku haradskoha hramadskaha transpartu