Tramp padpisaŭ zakon ab «piakielnych» sankcyjach suprać Rasii

Prezident ZŠA Donald Tramp padpisaŭ zakon, jaki praduhledžvaje pašyreńnie sankcyj, mytaŭ i inšych abmiežavańniaŭ u dačynieńni da Rasii, a taksama praciahvaje dziejańnie ŭžo ŭviedzienych sankcyj suprać Irana.

Donald Tramp. Fota: Win McNamee / Getty Images

Raniej zakonaprajekt uchvalili abiedźvie pałaty Kanhresa ZŠA. Dakumient praduhledžvaje sankcyi suprać vyšejšaha rasijskaha kiraŭnictva, aliharchaŭ i členaŭ ich siemjaŭ, kampanij bankaŭskaha i enierhietyčnaha siektaraŭ, a taksama sudnaŭ tak zvanaha cieniavoha fłotu Rasii.

Akramia taho, zakon daje prezidentu ZŠA paŭnamoctvy ŭvodzić myty ŭ dačynieńni da najbujniejšych kupcoŭ rasijskich enierhanośbitaŭ. Taksama pašyrajucca mahčymaści amierykanskaj administracyi dla prymianieńnia sankcyjnaha režymu.

Kanhresmien Majkł Makkoł, jaki byŭ inicyjataram zakonaprajekta, raniej padkreślivaŭ: uchvaleńnie dakumienta napiaredadni zimovych miesiacaŭ važnaje, pakolki heta akazvaje cisk na Pucina i jaho sajuźnikaŭ da taho, jak Rasija moža pačać nanosić udary pa hramadzianskaj infrastruktury — abjektach, źviazanych z dostupam da śviatła i vady.

Kamientary da artykuła