Prypynili pryjom zajavak na italjanskija vizy. Raniej stała viadoma, što padazravany ŭ dyviersii ŭ Lejpcyhu atrymaŭ vizu ŭ Minsku

U Biełarusi časova prypynili rehistracyju novych zajaŭnikaŭ u śpis čakańnia na padaču dakumientaŭ na italjanskuju vizu praź vizavy centr VFS. Pra heta 15 vieraśnia 2026 hoda paviedamiŭ VFS Belarus u kaardynacyi z Pasolstvam Italii ŭ Biełarusi.

Rehistracyja novych zajaŭnikaŭ u śpis čakańnia zakrytaja da dalejšaha paviedamleńnia. Kali jaje adnoviać, pakul nieviadoma. Aficyjna prypynieńnie źviazana z čakańniem dalejšych ukazańniaŭ ad italjanskaha pasolstva.

Tyja, chto paśpieŭ zarehistravacca da prypynieńnia, mohuć nie chvalavacca: ich rehistracyja zastajecca sapraŭdnaj, a miesca ŭ čarzie zachoŭvajecca. Novy zapyt padavać nie treba, bo heta nie paŭpłyvaje na pazicyju ŭ čarzie i nie paskoryć atrymańnie daty dla padačy dakumientaŭ.

Zarehistravanym zajaŭnikam rajać rehularna praviarać elektronnuju poštu, jakuju jany paznačyli padčas rehistracyi. Mienavita tudy buduć dasyłać infarmacyju pra dastupnyja daty i čas padačy. Taksama varta praviarać papku sa spamam, bo paviedamleńni ad VFS mohuć traplać tudy.

Pra adnaŭleńnie rehistracyi novych zajaŭnikaŭ vizavy centr paviedamić dadatkova na svaim sajcie.

Raniej paviedamlałasia, što padazravany ŭ dyviersii ŭ aeraporcie Lejpcyha atrymaŭ vizu ŭ pasolstvie Italii ŭ Minsku. Niamieckija śledčyja vyjšli na dvuch mierkavanych udzielnikaŭ sproby ataki bieśpiłotnikami z vybuchoŭkaj na aeraport. Adzin ź ich — rasijanin, jakoha niamieckija ŭłady źviazvajuć z HRU, druhi — hramadzianin Biełarusi, jaki raniej traplaŭ u pole zroku jeŭrapiejskich pravaachoŭnych orhanaŭ.

Kamientary da artykuła