Siarhiej Cichanoŭski: Paśla ŭčynku Pačobuta admoŭ biełarusam u prytułku budzie jašče bolš
Były palitźniavoleny Siarhiej Cichanoŭski vykazaŭsia adnosna siońniašniaha viartańnia Andreja Pačobuta ŭ Biełaruś. Na jaho dumku, hety ŭčynak moža niehatyŭna paŭpłyvać na los inšych biełaruskich emihrantaŭ.
Siarhiej Cichanoŭski. Skrynšot ź videa
«Jak adabjecca ŭčynak Andreja Pačobuta na biełarusach, jakija čakajuć palityčnaha prytułku za miažoj? Pavinien kanstatavać, što krajnie niehatyŭna. Bo jašče ŭ 2025 hodzie sudy Hiermanii i ZŠA ŭžo admaŭlali biełarusam u prytułku, spasyłajučysia na toje, što palityčnych lidaraŭ užo adpuskajuć i situacyja ŭ krainie stabilizavałasia.
Na žal, paśla ŭčynku Andreja Pačobuta takich admoŭ budzie jašče bolš», — ličyć Cichanoŭski.
Pačobut pryjechaŭ u Biełaruś z Polščy 8 vieraśnia. Jon źbirajecca pravieści tut tydzień, sustrecca ź siamjoj i paplečnikami ź niepryznanaha ŭładami Sajuza palakaŭ. Paśla taho jon maje namier pajechać u ZŠA i Kanadu, užo navat atrymaŭšy amierykanskuju vizu.
Čytajcie taksama:
Siabar Pačobuta: Paśla tydnia ŭ Biełarusi Andrej pajedzie ŭ Amieryku
Bialacki: Pakul nie raju inšym paŭtarać Pačobuta
Źjaviłasia fota Andžeja Pačobuta ŭ Hrodnie na bierazie Niomana
Rada Sajuza palakaŭ u Biełarusi ŭpaŭnavažyła Anžaliku Borys na dziejańni dla lehalizacyi arhanizacyi
Cichanoŭskaja: Viartańnie Pačobuta nie značyć, što niešta źmianiłasia dla ŭsich