Pucin i Tramp pahavaryli pra vajnu va Ukrainie

Prezident Rasii Uładzimir Pucin u aŭtorak upieršyniu z pačatku lipienia pravioŭ telefonnuju razmovu z prezidentam ZŠA Donaldam Trampam. Pa słovach pamočnika Pucina Juryja Ušakova, asnoŭnaj temaj pieramoŭ stała ŭrehulavańnie vajny va Ukrainie.

Uładzimir Pucin i Donald Tramp u Ankorydžy na Alascy 15 žniŭnia 2025 hoda. Fota: AP Photo / Julia Demaree Nikhinson

Taksama baki abmierkavali vyniki niadaŭnich vizitaŭ u Maskvu i Kijeŭ amierykanskich śpiecpradstaŭnikoŭ Džareda Kušniera i Styva Uitkafa.

Ušakoŭ zajaviŭ, što Pucin raskazaŭ Trampu pra situacyju na froncie i rasijskaje bačańnie dalejšaha raźvićcia padziej. Jon taksama paviedamiŭ, što rasijski prezident abmierkavaŭ, što ZŠA mahli b zrabić dla bolš chutkaha zakančeńnia bajavych dziejańniaŭ.

Asobna Pucin, pavodle słoŭ Ušakova, zapeŭniŭ Trampa, što Rasija nibyta nie maje ahresiŭnych płanaŭ u dačynieńni da jeŭrapiejskich krain. Infarmacyju raźviedak pra mahčymyja rasijskija pravakacyi suprać dziaržaŭ NATA jon nazvaŭ «mifami», jakija, na dumku Maskvy, vykarystoŭvajucca dla apraŭdańnia dalejšaj padtrymki Ukrainy.

Vyniki vizitu Uitkafa i Kušniera ŭ Maskvu i Kijeŭ rasijski bok acaniŭ stanoŭča. Adnak, pavodle krynic Bloomberg i Financial Times, pieramovy nie prynieśli istotnaha praryvu. Surazmoŭcy vydańniaŭ śćviardžali, što Pucin pa-raniejšamu nastrojeny praciahvać vajnu i raźličvaje na poŭny zachop Danbasa ŭ najbližejšyja paŭhoda.

Kamientary da artykuła