Abnavili Dyrektyvu №1 ab umacavańni hramadskaj biaśpieki i dyscypliny

Alaksandr Łukašenka padpisaŭ ukaz ab novaj redakcyi Dyrektyvy №1, u jakoj «z ulikam sučasnych ryzyk i vyklikaŭ udakładnieny padychody da zabieśpiačeńnia hramadskaj biaśpieki». 

Fota: Lookby.media

Ukazam rehłamientavanyja

«pryjarytetnyja napramki dziejnaści dziaržaŭnych orhanaŭ u intaresach stvareńnia dadatkovych umoŭ dla pavyšeńnia kultury biaśpieki žyćciadziejnaści nasielnictva, farmiravańnia nieabchodnych navykaŭ sacyjalna adkaznych pavodzin hramadzian i spryjalnaha sacyjalnaha asiarodździa, a taksama dla harmaničnaha raźvićcia asoby».

Siarod pryjarytetnych napramkaŭ nazvanyja

«achova hramadskaha paradku, infarmacyjnaja biaśpieka, baraćba z ekstremizmam i niezakonnym abarotam narkotykaŭ, a taksama kantrol za źniešnimi mihracyjnymi pracesami».

Akramia taho, dyrektyva praduhledžvaje abaronu nasielnictva i terytoryj ad nadzvyčajnych situacyj, hramadzianskuju abaronu, biaśpieku darožnaha ruchu, ekałahičnuju i sanitarna-epidemijałahičnuju biaśpieku, a taksama biaśpieku pracy.

Arhanizacyjaj i kaardynacyjaj vykanańnia dyrektyvy, jak i raniej, buduć zajmacca ŭrad, abłvykankamy i Minski harvykankam. Kantrol za jaje realizacyjaj budzie ažyćciaŭlać prakuratura.

Kamientary da artykuła