U Biełarusi vyčarpali hadavuju kvotu na elektramabili
U Biełarusi sioleta ŭžo nielha ŭvieźci elektramabil biez apłaty myta, paviedamili ŭ Dziaržaŭnym mytnym kamitecie. Kolkasnaja kvota na lhotny ŭvoz elektramabilaŭ na 2026 hod vyčarpana.
Zdymak ilustracyjny. Fota: «Naša Niva»
Ciapier pry dekłaravańni elektramabila daviadziecca zapłacić myta ŭ pamiery 15% ad jaho koštu. Pry hetym dla fizičnych asob zachoŭvajecca inšaja lhota: pry ŭvozie elektramabila nie starejšaha za piać hadoŭ možna nie płacić PDV.
U 2026 hodzie dla fizičnych asob była praduhledžanaja kvota na ŭvoz 6200 elektramabilaŭ biez myta. Letaś ahulnaja kvota dla fizičnych i jurydyčnych asob składała 15 tysiač mašyn i była vybranaja ŭžo ŭ kastryčniku.
Pytańnie ab pavieličeńni kvoty vyrašaje Jeŭrazijskaja ekanamičnaja kamisija. Naprykład, u 2026 hodzie kvoty na biazmytny ŭvoz elektramabilaŭ užo pavialičvali dla Kyrhyzstana i Armienii. Adnak Biełaruś pakul z takoj inicyjatyvaj nie źviartałasia.
Tamu tym, chto choča aščadzić na kupli elektramabila, pakul zastajecca šukać vyhadnyja prapanovy na ŭnutranym biełaruskim rynku.
Čytajcie taksama:
Tesla vypuściła na vulicy robataksi biez rula i piedalaŭ. Ci navažacca ludzi ŭ ich sieści?
La MKAD adkryli bujny chab dla zaradki elektramabilaŭ
Biełaruś lidziruje na postsavieckaj prastory pa kolkaści elektramabilaŭ na dušu nasielnictva
Elektrakar Ferrari pradali z aŭkcyjona za rekordnyja 40 miljonaŭ dalaraŭ