Zialenski paabiacaŭ nie bić pa Rasii, pakul tam buduć Uitkaf i Kušnier

Prezident Ukrainy Uładzimir Zialenski paviedamiŭ, što pradstaŭniki administracyi prezidenta ZŠA Styŭ Uitkaf i Džared Kušnier u najbližejšyja dni naviedajuć Rasiju i Ukrainu. Jon zajaviŭ, što Ukraina hatovaja harantavać nieabchodnyja ŭmovy dla biaśpiečnaha prybyćcia amierykanskaj delehacyi.

Styŭ Uitkaf i Džared Kušnier. Fota: Ludovic Marin, Pool photo via AP, File

Pa słovach Uładzimira Zialenskaha, amierykanskija pieramoŭščyki spačatku pryjeduć u Maskvu, a ŭ niadzielu adpraviacca ŭ Kijeŭ. Ukrainski bok užo rychtujecca da ich pryjezdu i pravioŭ naradu z dypłamatyčnaj kamandaj, jakaja zajmajecca adnosinami sa Złučanymi Štatami.

Pry hetym Zialenski zajaviŭ, što Ukraina hatovaja harantavać nieabchodnyja ŭmovy dla biaśpiečnaha prybyćcia amierykanskaj delehacyi.

Pavodle jaho słoŭ, na čas pieramoŭ z ukrainskaha boku nie budzie pavietranych udaraŭ, i Kijeŭ raźličvaje, što Rasija taksama zabiaśpiečyć adpaviednuju cišyniu.

Ukrainski prezident padkreśliŭ, što hałoŭnaj metaj źjaŭlajecca maksimalna kanstruktyŭny i źmiastoŭny dyjałoh z amierykanskim bokam. Jon adznačyŭ nieabchodnaść šukać realnyja šlachi, jakija mahli b nablizić zakančeńnie vajny.

Zialenski taksama zajaviŭ, što ciapier važna zrazumieć, ź jakimi prapanovami pryjeduć Uitkaf i Kušnier i jakuju reakcyju na ich jany atrymajuć u Maskvie.

Kamientary da artykuła