U Jeŭrasajuzie zatrymali ŭžo šosty tankier, jaki źviazvajuć ź cieniavym fłotam Rasii
Jeŭrapiejski sajuz zatrymaŭ čarhovaje sudna, jakoje padazrajuć u pracy ŭ składzie rasijskaha «cieniavoha fłotu». Pra heta paviedamiła kiraŭnica jeŭrapiejskaj dypłamatyi Kaja Kałas.
Naftavy tankier MV SUN. Fota z X-staronki Kai Kałas
Naftavy tankier MV SUN 30 žniŭnia zatrymała ŭ Mižziemnym mory vajskova-marskaja misija ES IRINI. Sudna padazrajuć u płavańni pad padmannym ściaham, što moža parušać normy mižnarodnaha marskoha prava. Jaho spynili dla pravierki sapraŭdnaści ściaha.
Kałas zajaviła, što niezakonny ekspart rasijskaj nafty z dapamohaj sudnaŭ «cieniavoha fłotu» zastajecca adnym z važnych sposabaŭ finansavańnia vajny Rasii suprać Ukrainy. Pavodle jaje, ES praciahnie zmahacca z takoj dziejnaściu.
Heta ŭžo šostaje sudna, jakoje padazrajuć u vykarystańni falšyvaha ściaha i jakoje za apošnija miesiacy zatrymali jeŭrapiejskija vajskova-marskija siły.
Tema baraćby z «cieniavym fłotam» taksama stanie adnoj z hałoŭnych na sustrečy ministraŭ abarony krain ES, jakaja projdzie 1 vieraśnia ŭ Irłandyi.
Čytajcie taksama:
Rasija ŭpieršyniu za dziesiacihodździe zastałasia biez vajskovych karabloŭ u Mižziemnym mory
Rasija ściahvaje vajskovy fłot u Bałtyjskaje mora paśla pahroz Pucina ŭ bok Jeŭropy
Pucin paabiacaŭ Zachadu lusterkavy adkaz u vypadku zachopu rasijskich sudnaŭ
ES dazvoliŭ kanfiskoŭvać i pradavać naftu z tankieraŭ, jakija parušajuć sankcyi suprać Rasii