U Italii biełarus na rovary sutyknuŭsia z furhonam

U italjanskaj kamunie Viertava, što ŭ pravincyi Bierhama rehijona Łambardyja, adbyłosia DTZ z udziełam 19‑hadovaha viełasipiedysta rodam ź Biełarusi. Pra heta paviedamlaje sajt «Biełorusy i mir».

Znak z vyjavaj piešachoda i viełasipiedysta. Fota: belmir.by

Avaryja adbyłasia ŭ sieradu 26 žniŭnia kala 11:00 ranicy na dziaržaŭnaj trasie SS 671 u rajonie kalcavoj raźviazki niepadalok ad miascovaha futbolnaha pola.

Pavodle papiarednich danych, pierad raźviazkaj viełasipiedyst abhaniaŭ kałonu ź niekalkich mašyn i vyjechaŭ na sustrečnuju pałasu, dzie apynuŭsia na šlachu furhona, jakim kiravaŭ 20‑hadovy žychar kamuny Hadzaniha. Udar byŭ mocnym.

Paciarpiełamu akazali pieršuju dapamohu na miescy, a zatym u surjoznym stanie dastavili na miedycynskim viertalocie ŭ balnicu horada Bierhama. Na ščaście, pavodle papiarednich danych, žyćciu biełarusa atrymanyja traŭmy nie pahražajuć.

Kamientary da artykuła