«Dziakuj, motabracie!» Słucki matacyklist dapamoh salihorskaj chutkaj vyjhrać čas dla ciažkachvoraha
U Salihorsku adbyłasia niezvyčajnaja situacyja. Fielčar chutkaj dapamohi Uładzisłaŭ Nieviadomski padzialiŭsia ŭ sacsietkach historyjaj pra toje, jak nieabyjakavy bajkier pryjšoŭ na dapamohu miedykam, piša esoligorsk.by.
Chutkaja viezła ciažkachvoraha pacyjenta. Trasa ŭ toj momant była zahružanaja — patoki aŭtamabilaŭ ruchalisia ščylna, i mašynie ź mihałkami było niaprosta prasoŭvacca napierad.
Na dapamohu pryjšoŭ matacyklist sa Słucka Jahor Kasmač. Jon pačaŭ aktyŭna dapamahać: žestami i manieŭrami davaŭ zrazumieć kiroŭcam, što treba vyzvalić pałasu dla chutkaj, tłumačačy, što vyrašajecca pytańnie pra niečaje žyćcio.
Dziakujučy jahonaj dapamozie pacyjenta dastavili ŭ balnicu chutčej.
U svaim paście fielčar vykazaŭ matacyklistu ščyruju ŭdziačnaść: «Dziakuj tabie vialiki, ty staŭ častkaj ratavańnia hetaha žyćcia».
Post chutka raźlacieŭsia pa sacsietkach. Karystalniki aktyŭna adhuknulisia na historyju.
Bolšaść saliharčan sychodziacca ŭ mierkavańni, što takija ŭčynki zasłuhoŭvajuć pavahi i nahadvajuć usim kiroŭcam pra važnaść uvahi da mašyn ekstrannych słužbaŭ na darozie.
Sam Jahor Kasmač paźniej raskazaŭ vydańniu SlutskGorod, što jechaŭ spakojna i ŭbačyŭ u lusterkach, jak zzadu nabližajecca chutkaja z uklučanymi majačkami:
«Jana była ad mianie za mietraŭ 400—500. I ja ŭbačyŭ, što napieradzie jeduć nieadekvatnyja, voś i pajechaŭ krychu chutčej za chutkuju, kab palehčyć joj prajezd».
Čytajcie taksama:
Dziaŭčyna mocna apiakłasia padčas adpačynku, ale chutkaja da jaje nie pajechała. Čamu?
«Lažaŭ mocna paciarpieły čałaviek». Padčas viełamarafonu na Paleśsi kala 10 čałaviek atrymali traŭmy