ZŠA šukajuć patencyjnaha novaha lidara dla Kuby nakštałt Dełsi Radryhies

Administracyja Donalda Trampa šukaje dziejnaha abo byłoha kubinskaha čynoŭnika, jaki moh by ŭznačalić urad u Havanie ŭ vypadku palityčnych źmien na vostravie.

Fota: AP Photo / Ramon Espinosa

Jak raskazali New York Times krynicy siarod amierykanskich čynoŭnikaŭ, administracyja Donalda Trampa chacieła b źmianić kiraŭnictva Kuby i šukaje kandydata siarod kubinskich dziaržaŭnych słužboŭcaŭ. Havorka, chutčej, idzie pra pieranaładžvańnie režymu, a nie pra jaho poŭnuju dekanstrukcyju.

ZŠA chacieli b bačyć na čale Kuby kahości nakštałt łajalnaj Vašynhtonu Dełsi Radryhies — byłoj vice-prezidentki Vieniesueły. Jana stała časovaj lidarkaj krainy paśla taho, jak u studzieni amierykanskija vojski zachapili prezidenta Nikałasa Madura.

Adnak śpiecsłužby miarkujuć, što na Kubie taki scenar budzie realizavać składaniej, čym u Vieniesuele, praź niedachop prahmatyčnych čynoŭnikaŭ, jakija byli b hatovyja ŭziać uładu ŭ svaje ruki, kali b amierykanskija vojski zachapili eks-prezidenta Raula Kastra, jaki zachoŭvaje značny ŭpłyŭ na žyćcio krainy. Miascovyja elity bolš padobnyja da iranskich i mohuć być značna bolš radykalnymi, papiaredžvajuć amierykanskija śpiecsłužby

Kamientary da artykuła