Suzasnavalnik biuro Zrobim architects, jaki žyvie ŭ ZŠA, pradaje svaju dolu ŭ biznesie
Druhi suzasnavalnik tolki niadaŭna vyjšaŭ ź SIZA.
Alaksiej Karabloŭ. Fota: probusiness.io
Suzasnavalnik viadomaha architekturnaha biuro ZROBIM architects Alaksiej Karabloŭ, jaki žyvie ŭ ZŠA, pradaje svaju dolu ŭ biznesie.
Pra heta raskazaŭ u instahramie druhi suzasnavalnik biuro Andrej Makoŭski (Andruś Bezdar), jaki niadaŭna vyjšaŭ ź SIZA.
Alaksiej Karabloŭ — architektar, atrymaŭ šmat dyzajnierskich i architekturnych uznaharod. Biuro jany z Makoŭskim zasnavali ŭ 2011 hodzie.
***
Pieraśled kiraŭnictva i supracoŭnikaŭ ZROBIM architects pačaŭsia ŭ krasaviku 2026 hoda. Tady siłaviki zatrymali kala 50 čałaviek, a samo papularnaje architekturnaje biuro abvinavacili ŭ atrymańni «niaŭličanaha prybytku» na sumu 6 miljonaŭ dalaraŭ i vypłacie zarobkaŭ u kanviertach. Ahulnuju škodu biudžetu acanili bolš jak na 5 miljonaŭ rubloŭ.
Sam Andrej Makoŭski zastaŭsia pad vartaj.
U červieni 2026 hoda ŭ jahonych sacsietkach źjaviłasia abjava ab prodažy niedabudavanaj viły na tajłandskim vostravie Pchukiet u elitnym kompleksie Botanica Pru Jampa, a ŭ lipieni — nadzieła pad turystyčny kompleks na bierazie Vilejki.
5 žniŭnia stała viadoma, što Andruś Biezdar vyjšaŭ ź SIZA.