Zasnavana premija Jevy Viežnaviec
Knižnaja supolnaść abviaściła premiju Jevy Viežnaviec (psieŭdanim Śviatłany Kurs). «My zasnoŭvajem jaje, kab ušanavać pamiać Jevy Viežnaviec i padtrymać biełaruskich piśmieńnic», — kažuć zasnavalniki.
Premija budzie prysudžacca biełaruskaj piśmieńnicy. Žury budzie aceńvać nie asobnuju knihu, a ŭsiu tvorčuju pracu aŭtarki.
Farmiravańnie pryzavoha fondu pačniecca 9 žniŭnia na knižnym markiecie ŭ bary Karma Crew. Častka vyručki ad prodažaŭ knih budzie nakiravanaja ŭ fond premii. Heta tolki pačatak — paźniej my adkryjem asobny zbor.
Uvieś pryzavy fond atrymaje łaŭreatka premii. Jaho pamier budzie abvieščany publična. Pieršaje ŭručeńnie premii płanujecca da kanca 2026 hoda.
Zasnavalniki premii: Śviatłana Aleksijevič, «Miedyjazona.Biełaruś», Asacyjacyja biełaruskich vydaŭcoŭ, vydaviectva «Pflaŭmbaŭm», Instytut biełaruskaj knihi, niezaležnyja biełaruskija vydaviectvy i fiestyval Pradmova.
Piśmieńnica Śviatłana Kurs (psieŭdanim — Jeva Viežnaviec) pamierła 20 lipienia va ŭzroście 54 hadoŭ ad nastupstvaŭ ankałohii.