Łukašenka: Ź niadbajnych čynoŭnikaŭ možna stvaryć dźvie bataljonna-taktyčnyja hrupy

Łukašenka padčas naviedvańnia Vilejki i rajona zajaviŭ, što ŭ vojska nakiravali kala 500 niadbajnych čynoŭnikaŭ i śpiecyjalistaŭ. Jon prapanavaŭ pryciahnuć ich da rabot na zaniadbanych sielskahaspadarčych ziemlach Minskaj vobłaści.

Fota: president.gov.by

«Vaźmicie hetyja dźvie bataljonna-taktyčnyja hrupy, jakija stvaryli ź niadbajnych čynoŭnikaŭ i śpiecyjalistaŭ. Razumiejecie, pra što idzie havorka? Ciapier ich kala 500 čałaviek. Ja ich nazyvaju — dźvie bataljonna-taktyčnyja hrupy», — zajaviŭ Łukašenka.

Na jaho dumku, ich treba nakiravać na naviadzieńnie paradku na sielskahaspadarčych ziemlach.

«Kali łaska, prymuście ich tut pracavać imiem revalucyi. Rabicie što zaŭhodna, ale navadzicie ŭsiudy paradak. Vaźmicie viertalot i ablacicie vakolicy — vy ŭbačycie toje, pra što ja vam skazaŭ», — dadaŭ jon.

Nahadajem, što ŭ lipieni Łukašenka prapanavaŭ adpraŭlać niadbajnych čynoŭnikaŭ i rabotnikaŭ sielskaj haspadarki na vajskovyja zbory. Paśla hetaha Minabarony adpraviła vajenkamaŭ inśpiektavać sielhaspradpryjemstvy padčas žniva.

Kamientary da artykuła