Architektar i suzasnavalnik biuro Zrobim architects Andruś Biezdar vyjšaŭ ź SIZA

Jon apublikavaŭ videa, na jakim spalvaje turemnuju sumku z rečami.

Skrynšot ź videa

«Jość tradycyja: zdabyvajučy svabodu, spalvać rečy, u jakich ty tam byŭ. Usim pryvitańnie, ja doma», — napisaŭ Andrej Makoŭski, viadomy taksama pad psieŭdanimam Andruś Biezdar.

Pieraśled kiraŭnictva i supracoŭnikaŭ ZROBIM architects pačaŭsia ŭ krasaviku 2026 hoda. Tady siłaviki zatrymali kala 50 čałaviek, a samo papularnaje architekturnaje biuro abvinavacili ŭ atrymańni «niaŭličanaha prybytku» na sumu 6 miljonaŭ dalaraŭ i vypłacie zarobkaŭ u kanviertach. Ahulnuju škodu biudžetu acanili bolš jak na 5 miljonaŭ rubloŭ.

Sam Andrej Makoŭski zastaŭsia pad vartaj. Paźniej u jaho akaŭncie źjaviŭsia paviedamleńnie «Pryvitańnie ź SIZA! Płacicie padatki całkam, rabiaty».

U červieni 2026 hoda ŭ jahonych sacsietkach źjaviłasia abjava ab prodažy niedabudavanaj viły na tajłandskim vostravie Pchukiet u elitnym kompleksie Botanica Pru Jampa, a ŭ lipieni — nadzieła pad turystyčny kompleks na bierazie Vilejki.

Kamientary da artykuła