Łatvija adnaviła propusk transpartu na miažy ź Biełaruśsiu
Łatvija adnaviła ŭ poŭnym abjomie afarmleńnie hruzavoha i lehkavoha transpartu ŭ punkcie propusku «Paternijeki» (ź biełaruskaha boku «Hryharoŭščyna») na miažy ź Biełaruśsiu. Pra heta paviedamiŭ Dziaržaŭny pahraničny kamitet Biełarusi.
Pavodle infarmacyi viedamstva, łatvijski bok paviedamiŭ biełaruskim pamiežnikam, što z 21:00 punkt propusku znoŭ pracuje ŭ štatnym režymie.
Raniej urad Łatvii admoviŭsia padtrymać prapanovu Ministerstva ŭnutranych spraŭ ab poŭnym zakryćci adzinaha dziejnaha aŭtamabilnaha punkta propusku na biełaruska-łatvijskaj miažy.
31 lipienia łatvijskija ŭłady časova spynili jaho pracu, spasłaŭšysia na techničnyja prablemy.
Paśla hetaha Ministerstva zamiežnych spraŭ Biełarusi zajaviła, što pakidaje za saboj prava pryniać miery ŭ adkaz, u tym liku asimietryčnaha charaktaru.
Čytajcie taksama:
Łatvija nie budzie zakryvać miažu ź Biełaruśsiu
MUS Łatvii prapanuje całkam zakryć adziny punkt propusku na miažy ź Biełaruśsiu
MZS prakamientavała zakryćcio Łatvijaj miažy ź Biełaruśsiu
Łatvija prapuściła aŭtamabili ź niejtralnaj pałasy, ale los miažy ź Biełaruśsiu pakul niavyznačany
Łatvija «pa techničnych pryčynach» zakryła miažu ź Biełaruśsiu