Biełaruski chakieist z NCHŁ baicca, kab jaho nie zabrali ŭ armiju
Biełaruski abaronca kłuba Nacyjanalnaj chakiejnaj lihi «Čykaha Błekchoŭks» Arciom Leŭšunoŭ baicca pryzyvu ŭ armiju ŭ vypadku viartańnia ŭ Biełaruś, zajaviŭ žurnalist vydańnia The Athletic Skot Paŭers.
Arciom Leŭšunoŭ. Fota: Steven Ellis/Daily Faceoff
20‑hadovy Leŭšunoŭ žyvie ŭ ZŠA z 2022 hoda. Da adjezdu za akijan jon zajmaŭsia chakiejem u škołach žłobinskaha «Mietałurha» i minskaha «Dynama», a taksama hulaŭ za bazavy kłub junijorskaj zbornaj Biełarusi. U 2024 hodzie Leŭšunoŭ byŭ abrany «Čykaha» ŭ pieršym raŭndzie draftu NCHŁ pad ahulnym druhim numaram.
«Jość strach, što ŭ vypadku viartańnia jaho mohuć pryzvać u armiju Biełarusi, dzie vajskovaja słužba abaviazkovaja dla mužčyn va ŭzroście ad 18 da 27 hadoŭ. Jon spadziajecca kali-niebudź viarnucca. Jon ličyć, što jamu mohuć dać adterminoŭku praz hulniu ŭ NCHŁ», — napisaŭ Paŭers.
Čytajcie taksama:
Biełaruskija chakieisty pamianiali kłuby ŭ NCHŁ