Połacki małočny kambinat pryznali bankrutam
Ekanamičny sud Viciebskaj vobłaści pryznaŭ Połacki małočny kambinat bankrutam i pastanaviŭ pačać praceduru jaho likvidacyi.
Zdymak ilustracyjny
Niezadoŭha da hetaha vytvorčyja aktyvy pradpryjemstva pieradali ŭ kiravańnie kampanii «Savuškaŭ pradukt». Jana atrymała vytvorčyja budynki, abstalavańnie i pracoŭny kalektyŭ, jakija płanujecca vykarystać dla madernizacyi i adnaŭleńnia byłoj bujnoj małočnaj vytvorčaści. Zapazyčanaści ž samoha kambinata, jak miarkujecca, zastanucca na dziaržavie.
Sprava ab bankructvie była raspačataja ŭ mai. Za hety čas adbyvaŭsia pryjom i razhlad patrabavańniaŭ kredytoraŭ.
Pavodle spravazdačy antykryzisnaha kiraŭnika, ahulny abjom patrabavańniaŭ kredytoraŭ skłaŭ amal 400 miljonaŭ rubloŭ, tady jak košt majomaści pradpryjemstva acenieny prykładna ŭ 230 miljonaŭ rubloŭ.