Pad Hrodnam znajšli vielizarny hryb pamieram z čałaviečuju hałavu FOTY

Niezvyčajnaj znachodkaj padzialiłasia žycharka Hrodna Inna. Padčas prahułki ŭ rajonie vioski Karalino jana zaŭvažyła vialiki hryb — porchaŭku, jakaja pa pamierach była prykładna jak hałava čałavieka, paviedamlaje newgrodno.by.

Fota: newgrodno.by

Hryb nie ŭzvažvali, ale pa fotazdymkach možna acanić jaho pamiery: na adnym z kadraŭ vidać, jak znachodku niasuć dadomu, a pobač dla paraŭnańnia znachodzicca chatni hadavaniec.

Fota: newgrodno.by

Havorka idzie pra porchaŭku, abo hałavač hihancki — tak jon aficyjna nazyvajecca. Zvyčajna taki hryb moža vyrastać da 50—70 santymietraŭ u dyjamietry, a jaho vaha składaje ad 1 da 4 kiłahramaŭ. Adnak viadomyja vypadki, kali asobnyja ekziemplary važyli bolš za 20 kiłahramaŭ.

Hety vid ličycca ŭmoŭna jadomym, ale ŭžyvać jaho ŭ ježu možna tolki ŭ maładym uzroście. Kali miakać unutry biełaja i ščylnaja — hryb prydatny dla pryhatavańnia. Kali ž jana stała buraj, žoŭtaj abo zialonaj, heta śviedčyć pra toje, što hryb pieraśpieŭ, i jeści jaho ŭžo nie varta.

Kamientary da artykuła