Tramp nazvaŭ pryčynu admovy Ukrainie ŭ licenzii na rakiety Patriot

Prezident ZŠA admoviŭsia ad abiacańnia dazvolić Ukrainie vyrablać rakiety Patriot z-za aściaroh, što technałohii mohuć być vykarystanyja suprać Vašynhtona, paviedamlaje The New York Times.

Fota: Nathan Howard / AP

Padčas sustrečy sa svaim kabinietam ministraŭ u rezidencyi Kemp-Devid amierykanski lidar zajaviŭ, što źmianiŭ svajo rašeńnie, bo «składana pieradavać takoha kštałtu technałohii», a taksama z-za ryzyki, što «tyja ludzi, jakim vy pieradajecie technałohii, adnojčy mohuć vykarystać ich suprać vas».

«Vy pahladzicie na vajnu — takoje zdarałasia niekalki razoŭ za hetyja hady. Tamu my pavinny być vielmi aściarožnymi. My achoŭvajem heta», — pryvodzić vydańnie słovy prezidenta ZŠA.

Kamientary da artykuła