Italija papiaredziła Ispaniju pra hatoŭnaść prypynić dziejańnie Šenhienskaha pahadnieńnia
Tak premjer Džordža Miełoni adreahavała na situacyju ŭ ispanskim ankłavie na ŭźbiarežžy Afryki Sieuta, kudy z Maroka biahuć sotni mihrantaŭ.
Fota: AP
Italija hatovaja pryniać nadzvyčajnyja miery dla abarony svaich miežaŭ i biaśpieki hramadzian, u tym liku prypynić dziejańnie Šenhienskaj zony ŭ adnosinach ź Ispanijaj, zajaviła ŭ sacyjalnaj sietcy X premjer-ministr Italii Džordža Miełoni.
«Kadry, što pastupajuć ź Sieuty, uražvajuć i jašče raz demanstrujuć, što niekantralavanaja nielehalnaja imihracyja ŭjaŭlaje saboj realnuju pahrozu biaśpiecy miežaŭ Jeŭropy», — patłumačyła jana.
Premjer-ministr padkreśliła, što Italija nie adstupicca ad svaich pryncypaŭ u pytańni nielehalnaj imihracyi: «Abarona miežaŭ, baraćba z handlem ludźmi i zabieśpiačeńnie efiektyŭnaj repatryjacyi buduć i nadalej zastavacca čyrvonaj linijaj našaha ŭrada».
Čytajcie taksama:
Ispanija nie daje rady napłyvu mihrantaŭ u svaim afrykanskim ankłavie