«Biełavija» pačnie lotać z Homiela ŭ Churhadu
Avijakampanija «Biełavija» z 27 kastryčnika pačnie vykonvać čartarnyja rejsy z Homiela ŭ Churhadu — adzin z najbolš papularnych kurortaŭ Jehipta na ŭźbiarežžy Čyrvonaha mora.
Fota: Lookby.media
Pavodle infarmacyi avijakampanii, samaloty buduć lotać u Churhadu raz na 10—11 načej. Vylety zapłanavanyja pa aŭtorkach i piatnicach.
Padrabiaznuju infarmacyju pra rejsy «Biełavija» rekamienduje ŭdakładniać u kansalidatara — turystyčnaha apieratara «Iniersici».
Churhada viadomaja vialikaj kolkaściu hatelaŭ, u tym liku farmatu «ŭsio ŭklučana». Kurort taksama papularny dziakujučy ciopłaj i čystaj vadzie, karałavym ryfam i bahatamu padvodnamu śvietu, što pryciahvaje amataraŭ dajvinhu i snorklinhu.
Novy maršrut z Homiela stanie jašče adnym pašyreńniem palotnaj prahramy «Biełavija». Raniej avijakampanija paviedamlała pra adnaŭleńnie rehularnych rejsaŭ na tajłandski vostraŭ Pchukiet z kanca kastryčnika 2026 hoda.
Čytajcie taksama:
«Biełavija» nieŭzabavie znoŭ palacić na Pchukiet
«Biełavija» karektuje raskład praz abmiežavańni na paloty ŭ Rasii
«My nieprykmietna». Jak biełarusy ciapier jeduć u Anapu na adpačynak