«Adrazu zrazumieła, adkul jany». Rasijskija zorki pryjechali ŭ Minsk i złavili chiejt za parkoŭku
Kumirka zumieraŭ z tyktoka Miłana Chamietava i były chłopiec Volhi Buzavaj Dava pryjechali ŭ Biełaruś zdymacca ŭ filmie «Nie adna doma 4». Kala handlovaha centra Avia Mall u Minsk-Śviecie jany sustrelisia z hrupaj fanataŭ. Tyja, chto pryjšoŭ, napeŭna, byli zadavolenyja. A voś u sacsietkach pačałasia nievialikaja bura.
Miłana Chamietava i Dava ŭ Minsku. Skrynšot ź videa
Na videa sustrečy bačna, što mašyna, na jakoj pryjechali rasijskija sielebryci, pryparkavanaja prosta pasiarod tratuara. Što nie zusim supadaje z praviłami darožnaha ruchu.
Skrynšot ź videa
Reakcyju biełarusaŭ možna było pradkazać bieź ciažkaściaŭ.
«Paniaćcia nie maju, chto heta. Ale miarkujučy pa pryparkavanaj mašynie, možna zdahadacca», — voś adzin z kamientaroŭ, ź jakim salidaryzavalisia mnohija.
Ludzi cikavilisia, chto vučyŭ haściej tak parkavacca. A chtości navat tehnuŭ minskuju milicyju, kab jany źviarnuli ŭvahu na takuju stajanku.
Była i jašče adna pretenzija: Dava i Miłana z fanatami ŭpeŭniena špacyravali pa zialonym hazonie. Kamientatary pisali, što ŭ nas uvohule tak nie pryniata. I chadzić lepš pa tratuary, a nie pa hazonie. Ale krytyki nie ŭličyli, što tratuar byŭ zaniaty — mašynaj, jakuju hości sami ž i pryparkavali.
Čytajcie taksama:
Kažuć, u Rasii źniali žanočuju viersiju «Hrafa Monte-Krysta». Što heta za sieryjał?