Tusk zajaviŭ, što ŭ Polščy najchutčej upała rasijskaja kryłataja rakieta Ch-101
Polskija siły SPA byli hatovyja źbić rasijskuju rakietu, jakaja ŭpała na Lublinščynie, zapeŭnivaje polski bok.
Kratar kala vioski Tarnava-Kałonija paśla padzieńnia rakiety. Skrynšot ź videa
Padčas masiravanaha ŭdaru RF pa Ukrainie ŭ pavietranuju prastoru Polščy zalacieła i ŭpała kryłataja rakieta.
Premjer-ministr Donald Tusk paćvierdziŭ incydent i zajaviŭ: «Padčas masiravanych atak Rasii pa Ukrainie adbyłosia parušeńnie polskaj pavietranaj prastory. My majem surjoznaje zdareńnie».
Kiraŭnik urada padkreśliŭ apieratyŭnaść vajskoŭcaŭ: «Pieršyja źviestki adnaznačna pakazvajuć, što adpaviednyja słužby, pierš za ŭsio vojska i našy piłoty, spracavali vielmi chutka i efiektyŭna».
Jon taksama dadaŭ: «My byli hatovyja źbić rakietu ŭ vypadku, kali b jana palacieła dalej».
Pra typ rakiety Tusk adznačyŭ: «Usio pakazvaje na toje, što my majem spravu z rasijskaj rakietaj Ch-101, ale my nie apiaredžvajem vynikaŭ detalovaha daśledavańnia».
U vyniku zdareńnia nichto nie paciarpieŭ, razbureńniaŭ niama. Na miesca padzieńnia nieadkładna vyjechali premjer-ministr Donald Tusk, kiraŭnictva Ministerstva nacyjanalnaj abarony i MUS.